Hubab-asa Mein Dam Bharta Hun Teri Aashnai Ka

hubab-asa mein dam bharta hun teri aashnai ka

nihayat gham hai is qatre ko dariya ki judai ka

asir ai dost tere aashiq o mashuq donon hain

giraftar aahani zanjir ka ye wo talai ka

talluq ruh se mujh ko jasad ka na-gawara hai

zamane mein chalan hai chaar din ki aashnai ka

firaq-e-yar mein mar mar ke aaKHir zindagani ke

raha sadma hamesha ruh o qalib ki judai ka

hui manzur muhtaj na tujh ko apni sail ke

banaya kasa-e-sar wazhgun kasa gadai ka

nazar aati hain har-su suraten hi suraten mujh ko

koi aaina-KHana karKHana hai judai ka

visal-e-yar ka wada hai farda-e-qayamat par

yaqin mujh ko nahin hai gor tak apni rasai ka

bharosa aah par hargiz nahin ai yar aashiq ko

shikar ab tak kahin dekha nahin tir-e-hawai ka

dikhaya husn se eajaz-e-musi cilk-e-qudarat ne

yad-e-baiza banaya chur angusht-e-hinai ka

nahin miTti hai patthar ki lakir ahbab kahte hain

rahega pa-e-but par naqsh apni jabha-sai ka

shikast-e-KHatir-e-ahbab hoti hai durust is se

tawajjoh mein teri ai yar asar hai momyai ka

dil apna aaina se saf ishq-e-pak rakhta hai

tamasha dekhta hai husn is mein KHud-numai ka

kaf-e-afsos malwati hai teri pak-damani

pinha kar shahid-e-ismat ko jama parsai ka

nahin dekha hai lekin tujh ko pahchana hai 'atish' ne

baja hai ai sanam jo tujh ko dawa hai KHudai ka

(1236) Peoples Rate This

Your Thoughts and Comments

Hubab-asa Mein Dam Bharta Hun Teri Aashnai Ka In English By Famous Poet Haidar Ali Aatish. Hubab-asa Mein Dam Bharta Hun Teri Aashnai Ka is written by Haidar Ali Aatish. Read famous Poem Hubab-asa Mein Dam Bharta Hun Teri Aashnai Ka for youth and Student by Haidar Ali Aatish. Free Download Hubab-asa Mein Dam Bharta Hun Teri Aashnai Ka in PDF.