Sar KaT Ke Kar Dijiye Qatil Ke Hawale
sar kaT ke kar dijiye qatil ke hawale
himmat meri kahti hai ki ehsan-e-bala le
har qatra-e-KHun soz-e-darun se hai ek aKHgar
jallad ki talwar mein paD jaenge chhaale
nadan na ho aql ata ki hai KHuda ne
yusuf ki tarah tum ko koi bech na Dale
hasti ki asiri se sharar se hain siwa tang
chhuTe to idhar phir ke nahin dekhne wale
salik ko yahi jade se aawaz hai aati
pamal jo ho rah wo manzil ki nikale
sayyaad chaman hi mein kare murgh-e-chaman zabh
labrez lahu se hi daraKHton ke hon thaale
Haidar Ali Aatish 
(969) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544