Lafz Teri Yaad Ke Sab Be-sada Kar Aae Hain
lafz teri yaad ke sab be-sada kar aae hain
sare manzar aainon se KHud miTa kar aae hain
jal chuke sari mahakti KHwahishon ke jab gulab
mausamon ke dukh nigahon mein jala kar aae hain
ek lamhe mein kai sadiyon ke nate toD kar
sochte hain apne hathon se ye kya kar aae hain
raste to kho chuke the apni har pahchan tak
hum janaze manzilon ke KHud uTha kar aae hain
sare rishte jhuT hain sare talluq pur-fareb
phir bhi sab qaem rahen ye bad-dua kar aae hain
har chhalakte ashk mein taswir jhalkegi teri
naqsh pani par tera an-miT bana kar aae hain
maut se pahle jahan mein chand sanson ka azab
zindagi jo qarz tera tha ada kar aae hain
sare shikwe bhul kar aao milen 'haidar' unhen
wo gae lamhon ko phir wapas bula kar lae hain
Haidar Qureshi 
(1063) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544