Sare Mamulat Mein Ek Taza Gardish Chahiye

sare mamulat mein ek taza gardish chahiye

nam zamin par KHushk mausam ki nawazish chahiye

shahr ke aain mein ye mad bhi likkhi jaegi

zinda rahna ho to qatil ki sifarish chahiye

meri mushkil bhagte lamhon ko pakDun kis tarah

zid use an-dekhe KHwabon ki numaish chahiye

bhejta main kis ko subhon ki kunwari raushni

us ko buDhi raat ke rangon ki tabish chahiye

sukhte alfaz ke mausam mein harf-e-tar hun main

phir saza pahle samaat ki nawazish chahiye

jo hamara tha wo nikla aaftabon ka halif

kis KHuda se ab kaha jae ki barish chahiye

baryabi shart-e-KHamoshi pe hai wo is tarah

pahle hi tafsil-e-ahwal-e-guzarish chahiye

buz-dili meri thi jo 'manzur' main zaKHmi hua

wo sipar-bardar the un ki sataish chahiye

(898) Peoples Rate This

Your Thoughts and Comments

Sare Mamulat Mein Ek Taza Gardish Chahiye In English By Famous Poet Hakeem Manzoor. Sare Mamulat Mein Ek Taza Gardish Chahiye is written by Hakeem Manzoor. Read famous Poem Sare Mamulat Mein Ek Taza Gardish Chahiye for youth and Student by Hakeem Manzoor. Free Download Sare Mamulat Mein Ek Taza Gardish Chahiye in PDF.