Tamam Aalam Se MoD Kar Munh Main Apne Andar Sama Gaya Hun
tamam aalam se moD kar munh main apne andar sama gaya hun
mujhe na aawaz de zamane main apni aawaz sun raha hun
tazad-e-hasti ka falsafa hun uruj o pasti ka aaina hun
uTha hua ek ghurur-e-sar hun miTa hua ek naqsh-e-pa hun
ho kya tayyun meri hadon ka shumar kya meri wusaton ka
hazaron aalam base hain mujh mein main behad-o-be-karan KHala hun
azab-e-ehsas-o-agahi ke wo dil-shikan KHwab-pash lamhe
hazar aaine TuTte hain main jab bhi aaina dekhta hun
main na-shunida sada-e-sahra banunga aawaz-e-waqt 'kaifi'
zaban-e-alam pe aaunga kal main aaj ek harf-e-narsa hun
Haneef Kaifi 
(745) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544