KHud Ko Pane Ki Justuju Hai Wahi
KHud ko pane ki justuju hai wahi
us se milne ki aarzu hai wahi
us ka chehra usi ke KHadd-o-KHal
apna mauzu-e-guftugu hai wahi
hain usi ke ye rang-ha-e-suKHan
mere pahlu mein KHub-ru hai wahi
kitne mausam badal gae lekin
dil wahi dil ki aarzu hai wahi
hai wahi shauq-e-chaak-damani
aur phir KHwahish-e-rafu hai wahi
sajda-bazan-e-shahr painda
dast-e-azar ki aabru hai wahi
KHu-e-taslim sar salamat-baad
bandagi tauq-e-dar-gulu hai wahi
kam nahin shor-e-nala-o-fariyaad
matam-e-shahr aarzu hai wahi
Hasan Aabid 
(877) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544