Mujhe Kisi Se Kisi Baat Ka Gila Hi Nahin
mujhe kisi se kisi baat ka gila hi nahin
ki apne dil ke siwa koi muddaa hi nahin
tera karam mere din kulfaton ke yun guzre
mujhe laga ki mere sath kuchh hua hi nahin
lahuluhan ho dil ya qalam ho sar jaana
teri gali ke siwa koi rasta hi nahin
ki jis mein phul khilen aur chaman mahak uThe
ye wo sahar hi nahin hai ye wo hawa hi nahin
hai KHush-mizaj magar dil ki baat kaise karen
ki ek pal ko sahi wo kabhi khula hi nahin
ajab hain ishq ki nazuk-mizajiyan yani
bujha charagh-e-mohabbat to phir jala hi nahin
ye kya jagah hai koi sun nahin raha aawaz
pukarta hun magar koi bolta hi nahin
Hasan Aabid 
(799) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544