KHwab Apne Meri Aankhon Ke Hawale Kar Ke
KHwab apne meri aankhon ke hawale kar ke
tu kahan hai mujhe nindon ke hawale kar ke
mera aangan to ba-juz tere mahakta hi nahin!
barha dekha hai phulon ke hawale kar ke
ek gumnam jazire mein utar jaunga
apni kashti kabhi lahron ke hawale kar ke
kaisa suraj tha ki phir lauT ke aaya hi nahin
chand tare meri raaton ke hawale kar ke
mujh ko malum tha ek roz chala jaega!
wo meri umr ko yaadon ke hawale kar ke
ghar ki virani badal Dali hai raunaq mein 'hasan'
sahn ka peD parindon ke hawale kar ke
Hasan Abbasi 
(1078) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544