Sine Mein Charagh Jal Raha Hai
sine mein charagh jal raha hai
mathe se lahu ubal raha hai
honTon pe chaman khile hue hain
aankhon se dhuan nikal raha hai
paikar pe uge hue hain kanTe
ehsas ka peD phal raha hai
baatin mein bapa hai ek tufan
dariya hai ki ruKH badal raha hai
kya waqt paDa hai ai gham-e-jaan
KHud apna wajud khal raha hai
main jis ki talash ko chala tha
wo shaKHs to sath chal raha hai
tanha hun 'jalil' is nagar mein
maqtal mein charagh jal raha hai
Hasan Akhtar Jaleel 
(776) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544