Jalwe Tere Jo Raunaq-e-bazar Ho Gae
jalwe tere jo raunaq-e-bazar ho gae
KHuban-e-KHud-farosh KHaridar ho gae
talwon se rasta chaman-e-dil-kusha bana
jalwon se aaina dar-o-diwar ho gae
dil jaan-ba-lab jigar mein tapak jaan be-qarar
hum tera nam le ke gunahgar ho gae
gulzar hai bahaar yunhi husn-e-yar se
jaise chaman bahaar se gulzar ho gae
ye husn-e-KHud-farosh ajab jins hai 'hasan'
wo bik gae jo us ke KHaridar ho gae
Hasan Barelvi 
(802) Peoples Rate This