Kuchh Hasinon Ki Mohabbat Bhi Buri Hoti Hai

kuchh hasinon ki mohabbat bhi buri hoti hai

kuchh ye be-chain tabiat bhi buri hoti hai

jite-ji mere na aae to na aae ab aao

kya shahidon ki ziyarat bhi buri hoti hai

aap ki zid ne mujhe aur pilai hazrat

shaiKH-ji itni nasihat bhi buri hoti hai

us ne dil manga to inkar ka pahlu na mila

KHana-barbaad murawwat bhi buri hoti hai

ai 'hasan' aap kahan aur kahan bazm-e-sharab

pir-o-murshid buri sohbat bhi buri hoti hai

(663) Peoples Rate This

Your Thoughts and Comments

Kuchh Hasinon Ki Mohabbat Bhi Buri Hoti Hai In English By Famous Poet Hasan Barelvi. Kuchh Hasinon Ki Mohabbat Bhi Buri Hoti Hai is written by Hasan Barelvi. Read famous Poem Kuchh Hasinon Ki Mohabbat Bhi Buri Hoti Hai for youth and Student by Hasan Barelvi. Free Download Kuchh Hasinon Ki Mohabbat Bhi Buri Hoti Hai in PDF.