دشت میں پھول کھلا رکھا ہے
دشت میں پھول کھلا رکھا ہے
ہم نے دل دل سے ملا رکھا ہے
تیری خاطر تجھے معلوم کہاں
ہم نے کس کس کو بھلا رکھا ہے
بس ترا ذکر نئی فکر کے ساتھ
ہجر میں اور تو کیا رکھا ہے
کیا خبر آج ہی کر ڈالیں ہم
کام جو کل پہ اٹھا رکھا ہے
اس نے رکھا ہے سکوں نیکی میں
اور گناہوں میں مزا رکھا ہے
آئینہ دیکھ رہے ہو یا پھر
خود کو تصویر بنا رکھا ہے
بیر اس کو ہی چراغوں سے ہوا
نام جس نے بھی ہوا رکھا ہے
فقط اپنی نہ رہی فکر جمیلؔ
ہم نے تیرا بھی پتا رکھا ہے
(669) ووٹ وصول ہوئے
Dasht Mein Phul Khila Rakkha Hai In Urdu By Famous Poet Hasan Jameel. Dasht Mein Phul Khila Rakkha Hai is written by Hasan Jameel. Enjoy reading Dasht Mein Phul Khila Rakkha Hai Poem on Inspiration for Students, Youth, Girls and Boys by Hasan Jameel. Free Dowlonad Dasht Mein Phul Khila Rakkha Hai by Hasan Jameel in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends