Na Mere KHwab Ko Paikar Na KHadd-o-Khaal Diya
na mere KHwab ko paikar na KHadd-o-KHal diya
bahut diya to mujhe mauqa-e-visal diya
mila na ruh na dil ka koi hisab magar
ye kar-e-zist kisi taur se sambhaal diya
tamam-umr ki bechainiyon se kuchh na hua
mere junun ko KHirad kah ke us ne Tal diya
kisi nigah ne ummid ko diya chehra
kisi shabih ne sab se hasin KHayal diya
mere uyub ki taswir is tarah khinchi
mere hunar ko pas-e-pusht us ne Dal diya
kai KHayal jo aawara-KHu the sarkash the
unhen bhi sher ke sanche mein hum ne Dhaal diya
usi ne sar pe biThaya tha jis ne aaj 'naim'
samajh ke panw ka kanTa mujhe nikal diya
Hasan Nayeem 
(860) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544