Is Darja Meri Zat Se Usko Hasad Hua

is darja meri zat se us ko hasad hua

jo bhi sawal main ne kiya mustarad hua

us ne hi di saza mujhe sahra ki dhup mein

mere badan ki chhanw se jo na-balad hua

aisi chali hawa ki har ek shaKH jal gai

wo peD jo hara tha ghamon ki sanad hua

sochen hain KHwab-KHwab to tahrir aab-ab

hum kya kahen ki kaun yahan nek-o-bad hua

us ki hi aarzu mein ye chehre udas hain

wo aaina ki jis ka taqaza ashad hua

jis ne sadaqaton ko lahu se kiya raqam

us shaKHs ka har ek suKHan mustanad hua

mera sitara us ke sitare se yun mila

mera aur us ka nam 'hasan' ham-adad hua

(900) Peoples Rate This

Your Thoughts and Comments

Is Darja Meri Zat Se Usko Hasad Hua In English By Famous Poet Hasan Rizvi. Is Darja Meri Zat Se Usko Hasad Hua is written by Hasan Rizvi. Read famous Poem Is Darja Meri Zat Se Usko Hasad Hua for youth and Student by Hasan Rizvi. Free Download Is Darja Meri Zat Se Usko Hasad Hua in PDF.