Na Surat Kahin Shadmani Ki Dekhi
na surat kahin shadmani ki dekhi
bahut sair duniya-e-fani ki dekhi
meri chashm-e-KHun-bar mein KHub rah kar
bahaar aap ne gul-fishani ki dekhi
tamanna ne us ru-e-zeba ko dekha
ki taswir husn-e-jawani ki dekhi
ajab shauq se dast-e-saqi mein hum ne
surahi mai-e-arghawani ki dekhi
zahe rob-e-husn un ke dar par kisi ne
zarurat na kuchh pasbani ki dekhi
na tum sa KHush-aKHlaq paya na hum ne
kahin shan ye dil-sitani ki dekhi
mujhe kar ke mayus bole wo 'hasrat'
masarrat gham-e-jawedani ki dekhi
Hasrat Mohani 
(1291) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544