تجھ سے گرویدہ یک زمانہ رہا
تجھ سے گرویدہ یک زمانہ رہا
کچھ فقط میں ہی مبتلا نہ رہا
آپ کو اب ہوئی ہے قدر وفا
جب کہ میں لائق جفا نہ رہا
راہ و رسم وفا وہ بھول گئے
اب ہمیں بھی کوئی گلہ نہ رہا
حسن خود ہو گیا غریب نواز
عشق محتاج التجا نہ رہا
بسکہ نظارہ سوز تھا وہ جمال
ہوش نظارگی بجا نہ رہا
میں کبھی تجھ سے بدگماں نہ ہوا
تو کبھی مجھ سے آشنا نہ رہا
آپ کا شوق بھی تو اب دل میں
آپ کی یاد کے سوا نہ رہا
اور بھی ہو گئے وہ غافل خواب
نالۂ صبح نارسا نہ رہا
حسن کا ناز عاشقی کا نیاز
اب تو کچھ بھی وہ ماجرا نہ رہا
عشق جب شکوہ سنج حسن ہوا
التجا ہو گئی گلہ نہ رہا
ہم بھروسے پہ ان کے بیٹھ رہے
جب کسی کا بھی آسرا نہ رہا
میرے غم کی ہوئی انہیں بھی خبر
اب تو یہ درد لا دوا نہ رہا
آرزو تیری برقرار رہے
دل کا کیا رہا رہا نہ رہا
ہو گئے ختم مجھ پہ جور فلک
اب کوئی مورد بلا نہ رہا
جب سے دیکھی ابوالکلام کی نثر
نظم حسرتؔ میں بھی مزا نہ رہا
(1409) ووٹ وصول ہوئے
Tujhse Garwida Yak Zamana Raha In Urdu By Famous Poet Hasrat Mohani. Tujhse Garwida Yak Zamana Raha is written by Hasrat Mohani. Enjoy reading Tujhse Garwida Yak Zamana Raha Poem on Inspiration for Students, Youth, Girls and Boys by Hasrat Mohani. Free Dowlonad Tujhse Garwida Yak Zamana Raha by Hasrat Mohani in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends