Doston Se To Kinara Bhi Nahin Kar Sakta
doston se to kinara bhi nahin kar sakta
un ka har zulm gawara bhi nahin kar sakta
mera dushman mere apnon mein chhupa baiTha hai
us ki jaanib main ishaara bhi nahin kar sakta
shab mein niklega nahin us pe musallat hai nizam
din mein suraj ka nazara bhi nahin kar sakta
aish-o-ishrat ka talabgar nahin hun phir bhi
tang-dasti mein guzara bhi nahin kar sakta
shauq aisa ki machalta hai mohabbat ke liye
jurm aisa ki dobara bhi nahin kar sakta
gham hai betab ki aankhon se nikal jae magar
dil ki daulat ka KHasara bhi nahin kar sakta
Hidayatullah Khan Shamsi 
(923) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544