Sab Kuchh Kho Kar Mauj UDana Ishq Mein Sikha
sab kuchh kho kar mauj uDana ishq mein sikha
hum ne kya kya tir chalana ishq mein sikha
rit ke aage prit nibhana ishq mein sikha
sadhu ban kar masjid jaana ishq mein sikha
ishq se pahle tez hawa ka KHauf bahut tha
tez hawa mein hansna gana ishq mein sikha
har ek sarhad phand chuka tha sarkash dariya
us dariya ko moD ke lana ishq mein sikha
ishq kiya to zulm hua aur zulm hua jab
zulm ke aage sar na jhukana ishq mein sikha
apne dukh mein rona-dhona aap hi aaya
ghair ke dukh mein KHud ko dukhana ishq mein sikha
ishq ka jadu kya hota hai hum se puchho
dhul mein mil kar phul khilana ishq mein sikha
kuchh bhi 'hilal' ab Dingen maro lekin tum ne
mahfil mahfil dhum machana ishq mein sikha
Hilal Fareed 
(904) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544