Raat Sunsan Dasht O Dar KHamosh
raat sunsan dasht o dar KHamosh
chand tare shajar hajar KHamosh
koi aawaz-e-pa na bang-e-jaras
karwan aur is qadar KHamosh
har taraf ek muhib sannaTa
dil dhaDakta to hai magar KHamosh
hue jate hain kis liye aaKHir
ham-safar baat baat par KHamosh
hain ye aadab-e-rahguzar ki KHauf
rah-rau chup hain rahbar KHamosh
muKHtasar ho na ho shab-e-tarik
hum ko jalna hai ta sahar KHamosh
Dhal chuki raat bujh gain shamen
rah takti hai chashm-e-tar KHamosh
jaane kya baat kar rahe the ki hum
ho gae ek nam par KHamosh
hum se 'shair' bhi ho gae aaKHir
rang-e-haalat dekh kar KHamosh
Himayat Ali Shayar 
(990) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544