Yam-ba-yam Phaila Hua Hai Pyas Ka Sahra Yahan
yam-ba-yam phaila hua hai pyas ka sahra yahan
ek sarab-e-tishnagi hai mauja-e-sahba yahan
raushni ke zawiyon par munhasir hai zindagi
aap ke bas mein nahin hai aap ka saya yahan
aate aate aankh tak dil ka lahu pani hua
kis qadar arzan hai apne KHun ka sauda yahan
tere mere darmiyan hail rahi diwar-e-harf
rakh liya ek baat ne har baat ka parda yahan
dekhiye to ye jahan hai ek jahan-e-ab-o-gil
sochiye to zarre zarre mein hai ek duniya yahan
Himayat Ali Shayar 
(936) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544