Har Ek KHwab Ki Tabir ThoDi Hoti Hai
har ek KHwab ki tabir thoDi hoti hai
mohabbaton ki ye taqdir thoDi hoti hai
kabhi kabhi to juda be-sabab bhi hote hain
sada zamane ki taqsir thoDi hoti hai
palak pe Thahre hue ashk se kaha main ne
har ek dard ki tashhir thoDi hoti hai
safar ye karte hain ek dil se dusre dil tak
dukhon ke panw mein zanjir thoDi hoti hai
dua ko hath uThao to dhyan mein rakhna
har ek lafz mein tasir thoDi hoti hai
Humaira Rahat 
(957) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544