Raat Bhar Tanha Raha Din Bhar Akela Main Hi Tha
raat bhar tanha raha din bhar akela main hi tha
shahr ki aabaadiyon mein apne jaisa main hi tha
main hi dariya main hi tufan main hi tha har mauj bhi
main hi KHud ko pi gaya sadiyon se pyasa main hi tha
kis liye katra ke jata hai musafir dam to le
aaj sukha peD hun kal tera saya main hi tha
kitne jazbon ki nirali KHushbuen thin mere pas
koi un ka chahne wala nahin tha main hi tha
dur hi se chahne wale mile har moD par
fasle sare miTane ko taDapna main hi tha
meri aahaT sunne wala dil na tha duniya ke pas
raste mein 'ashk' be-maqsad jo bhaTka main hi tha
Ibrahim Ashk 
(1131) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544