Tar-e-shabnam Ki Tarah Surat-e-KHas TuTti Hai

tar-e-shabnam ki tarah surat-e-KHas TuTti hai

aas bandhne nahin pati hai ki bas TuTti hai

aarzuon ka hujum aur ye Dhalti hui umr

sans ukhaDti hai na zanjir-e-hawas TuTti hai

gard itni ki sujhai nahin deta kuchh bhi

shor itna hai ki aawaz-e-jaras TuTti hai

munhadim hota chala jata hai dil sal-ba-sal

aisa lagta hai girah ab ke baras TuTti hai

bu-e-gul aae na aae magar ushshaq ke bich

itni wahshat hai ki diwar-e-qafas TuTti hai

zikr asma-e-ilahi ka hai faizan ki ab

dam ulajhta hai na tasbih-e-nafas TuTti hai

(1323) Peoples Rate This

Your Thoughts and Comments

Tar-e-shabnam Ki Tarah Surat-e-KHas TuTti Hai In English By Famous Poet Iftikhar Arif. Tar-e-shabnam Ki Tarah Surat-e-KHas TuTti Hai is written by Iftikhar Arif. Read famous Poem Tar-e-shabnam Ki Tarah Surat-e-KHas TuTti Hai for youth and Student by Iftikhar Arif. Free Download Tar-e-shabnam Ki Tarah Surat-e-KHas TuTti Hai in PDF.