Hawaen An-paDh Hain
ab ke bar phir
mauj-e-bahaar ne
farsh-e-sabz par
saat-e-mahr mein
haar-singhaar se
hum donon ke nam likhe hain
aur dua mangi hai ki ai raaton ko jugnu dene wale!
sukhi hui miTTi ko KHushbu dene wale!
shukr-guzar aankhon ko aansu dene wale!
in donon ka sath na chhuTe
aur suna ye hai ki hawaen
ab ke bar bhi tez bahut hain
shahr-e-visal se aane wale mausam hijr-angez bahut hain
Iftikhar Arif 
(1272) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544