Mukalima
hawa ke parde mein kaun hai jo charagh ki lau se khelta hai
koi to hoga
jo KHilat-e-intisab pahna ke waqt ki rau se khelta hai
koi to hoga
hijab ko ramz-e-nur kahta hai aur partaw se khelta hai
koi to hoga
koi nahin hai
kahin nahin hai
ye KHush-yaqinon ke KHush-gumanon ke wahime hain jo har sawali se baiat-e-e'tibar lete hain
us ko andar se mar dete hain
to kaun hai wo jo lauh-e-ab-e-rawan pe suraj ko sabt karta hai aur baadal uchhaalta hai
jo baadalon ko samundaron par kashid karta hai aur batn-e-sadaf mein KHurshid Dhaalta hai
wo sang mein aag, aag mein rang, rang mein raushni ke imkan rakhne wala
wo KHak mein saut, saut mein harf, harf mein zindagi ke saman rakhne wala
nahin koi hai
kahin koi hai
koi to hoga
Iftikhar Arif 
(1211) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544