Chand Phir Taron Ki Ujli Rezgari De Gaya
chand phir taron ki ujli rezgari de gaya
raat ko ye bhik kaisi KHud bhikari de gaya
Tankti phirti hain kirnen baadalon ki shaal par
wo hawa ke hath mein goTa kanari de gaya
kar gaya hai dil ko har ek wahime se be-niyaz
ruh ko lekin ajab si be-qarari de gaya
shor karte hain parinde peD kaTta dekh kar
shahr ke dast-e-hawas ko kaun aari de gaya
us ne ghayal bhi kiya to kaise patthar se 'nasim'
phul ka tohfa mujhe mera shikari de gaya
Iftikhar Naseem 
(810) Peoples Rate This