Tera Hai Kaam Kaman Mein Use Lagane Tak
tera hai kaam kaman mein use lagane tak
ye tir KHud hi chala jaega nishane tak
main shisha kyun na bana aadmi hua kyunkar
mujhe to umr lagi TuT phuT jaane tak
gae huon ne palaT kar sada na di mujh ko
main kitni bar gaya ghaar ke dahane tak
tujhe to apne paron par hi e'tibar nahin
tu kaise aaega uD kar mere zamane tak
kiya tha faisla buniyaad-e-ashiyan ka 'nasim'
hawaen tinke uDa lain aashiyane tak
Iftikhar Naseem 
(879) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544