Garche Qalam Se Kuchh Na Likhenge Munh Se Kuchh Nahin Bolenge
garche qalam se kuchh na likhenge munh se kuchh nahin bolenge
phir bhi julus-e-dar chala to sath hum us ke ho lenge
waqt aaya to KHun se apne dagh-e-nadamat dho lenge
saya-e-zulf mein jagne wale saya-e-dar mein so lenge
kaun se sahil par ye safine apna langar kholenge
ruKH pe hawa ke ho lenge to dariya dariya Dolenge
jin mallahon ko tufan se tund hawa ne par kiya
kya ab sahil par aa kar wo apni naw Dubo lenge
jab bhi dasht-e-wafa mein raqs-e-abla-pa yan howega
ahl-e-wafa us se pahle hi rah mein kanTe bo lenge
lafzon se ehsas ka rishta jis lamhe tak qaem hai
sachche samjho ya jhuTe kuchh moti hum bhi piro lenge
nafsa-nafsi ke aalam mein kaun kisi ka hath baTae
apna apna bojh hai 'ishqi' fardan-fardan Dho lenge
Ilyas Ishqi 
(1050) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544