Mahfil Mein Us Pe Raat Jo Tu Mehrban Na Tha

mahfil mein us pe raat jo tu mehrban na tha

aisa subuk tha ghair ki kuchh bhi giran na tha

wasl-e-butan mein KHauf-e-firaq-e-butan na tha

goya ki apne sar pe kabhi aasman na tha

pesh-e-raqib pursish-e-dil tum ne KHub ki

dushman tha parda-dar na tha raaz-dan na tha

ibrat dila chuki thi hamari sitam-kashi

mutlaq shab-e-visal adu shadman na tha

bigDe hue raqib se wo aae mere ghar

is husn-e-ittifaq ka koi guman na tha

sargarm-e-nala kyun rahi bulbul bahaar mein

kya hum na the asir ki zauq-e-fughan na tha

sarshaar-e-be-KHudi the 'asar' bazm-e-yar mein

kya jaanen hum raqib kahan tha kahan na tha

(630) Peoples Rate This

Your Thoughts and Comments

Mahfil Mein Us Pe Raat Jo Tu Mehrban Na Tha In English By Famous Poet Imdad Imam Asar. Mahfil Mein Us Pe Raat Jo Tu Mehrban Na Tha is written by Imdad Imam Asar. Read famous Poem Mahfil Mein Us Pe Raat Jo Tu Mehrban Na Tha for youth and Student by Imdad Imam Asar. Free Download Mahfil Mein Us Pe Raat Jo Tu Mehrban Na Tha in PDF.