Abhi Se Kaise Kahun Tumko Bewafa Sahab
abhi se kaise kahun tum ko bewafa sahab
abhi to apne safar ki hai ibtida sahab
na jaane kitne laqab de raha hai dil tum ko
huzur jaan-e-wafa aur ham-nawa sahab
tumhaari yaad mein tare shumar karti hun
na jaane KHatm kahan ho ye silsila sahab
kitab-e-zist ka unwan ban gae ho tum
hamare pyar ki dekho ye intiha sahab
tumhaara chehra mere aks se ubharta hai
na jaane kaun badalta hai aaina sahab
rah-e-wafa mein zara ehtiyat lazim hai
har ek gam pe hota hai hadsa sahab
siyah raat hai mahtab ban ke aa jao
ye 'indira' ke labon par hai iltija sahab
Indira Varma 
(1103) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544