Shikasta-dil Andheri Shab Akela Rahbar Kyun Ho
shikasta-dil andheri shab akela rahbar kyun ho
na ho jab ham-safar koi to apna bhi safar kyun ho
kisi ki yaad mein aansu ka rishta is tarah rakkho
ki dil pahlu agar badle to chehra tar-ba-tar kyun ho
mere hamdam mere dilbar zara itna bata dena
koi bedard ho to dard dil mein is qadar kyun ho
kabhi bhule se jo paigham un ka aaya bhi ek din
judai ki taDap mein roz aisa hi asar kyun ho
nashsha aankhon mein le kar so raho ai jagne walo
agar ye aankh khul jae to KHwabon ka guzar kyun ho
pareshan raat mein dil hai charagh-e-as ki manind
shab-e-wada na aae wo to raushan si sahar kyun ho
musalsal raat din chalna hai rah-e-ishq mein tanha
kisi ke waste ye rah aaKHir muKHtasar kyun ho
mohabbat mein suna hai rah dil ki dil se hoti hai
agar yun 'indira' taDpe to jaanan be-KHabar kyun ho
Indira Varma 
(852) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544