Shafaq Ke Rang Nikalne Ke Baad Aai Hai
shafaq ke rang nikalne ke baad aai hai
ye sham dhup mein chalne ke baad aai hai
ye raushni tere kamre mein KHud nahin aai
shama ka jism pighalne ke baad aai hai
isi tarah se rakho band meri aankhen ab
ki nind KHwab badalne ke baad aai hai
yaqin hai ki kabhi be-asar nahin hogi
dua labon pe machalne ke baad aai hai
nadi jo pyar se bahti hai regzaron mein
ye pattharon mein uchhalne ke baad aai hai
thi jis bahaar ki uljhan tamam muddat se
wo 'indira' ke bahalne ke baad aai hai
Indira Varma 
(842) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544