Tamam Fikr Zamane Ki Tal Deta Hai
tamam fikr zamane ki Tal deta hai
ye kaisa kaif tumhaara KHayal deta hai
hamare band kiwaDon pe dastaken de kar
shab-e-firaq mein wahm-e-visal deta hai
udas aankhon se dariya ka tazkira kar ke
zamana hum ko hamari misal deta hai
ye kaisa raat mein taron ka silsila nikla
jo gardishon mein muqaddar bhi Dhaal deta hai
bichhaD ke tum se yaqin ho chala hai ye mujh ko
ki ishq lutf-e-saza be-misal deta hai
Indira Varma 
(1110) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544