Tere KHayal Ka Charcha Tere KHayal Ki Baat
tere KHayal ka charcha tere KHayal ki baat
shab-e-firaq mein paiham rahi visal ki baat
tum apni chaaragari ko na phir karo ruswa
hamare haal pe chhoDo hamare haal ki baat
kaman si abru ka aalam ajib hai dekho
falak ke chand se behtar hai us hilal ki baat
yahi fasana raha hai junun ke sahra mein
kabhi firaq ke qisse kabhi visal ki baat
bahaar aai to khul kar kaha hai phulon ne
ye kis ne chheD di gulshan mein phir jamal ki baat
tu apne aap mein tanha hai meri nazron mein
kahan se DhunD ke laun tere misal ki baat
bina talab ke ata kar raha hai wo mujh ko
labon pe mere na aae kabhi sawal ki baat
Indira Varma 
(1010) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544