Mal KHun-e-jigar Mera Hathon Se Hina Samjhe

mal KHun-e-jigar mera hathon se hina samjhe

main aur to kya kosun par tum se KHuda samjhe

samjhane ki jo baaten kin main ne dila tujh se

ai aql ki dushman so teri to bala samjhe

dil mein mere chuTki li aisi hai ki dard uTTha

maqul che KHush ai wah aap is ko ada samjhe

ai bu-lahab-e-naKHwat sidhe hain agar sach-much

to aaj se sahab ko hum apna chacha samjhe

sahab ne na ki yari wahshat se pari se to

ai shaiKH-e-junun tum ko hum KHwaja-sara samjhe

hangama-e-mahshar bhi gar samne aaya to

us ko bhi tamashai ek sang naya samjhe

wo dasht-e-mohabbat mein rakkhe qadam ai 'insha'

sar apne ko aage hi jo tan se juda samjhe

(734) Peoples Rate This

Your Thoughts and Comments

Mal KHun-e-jigar Mera Hathon Se Hina Samjhe In English By Famous Poet Insha Allah Khan 'Insha'. Mal KHun-e-jigar Mera Hathon Se Hina Samjhe is written by Insha Allah Khan 'Insha'. Read famous Poem Mal KHun-e-jigar Mera Hathon Se Hina Samjhe for youth and Student by Insha Allah Khan 'Insha'. Free Download Mal KHun-e-jigar Mera Hathon Se Hina Samjhe in PDF.