Suna Hai Usne KHizan Ko Bahaar Karna Hai
suna hai us ne KHizan ko bahaar karna hai
ye jhuT to hai magar e'tibar karna hai
ye aur baat mulaqat ho na ho lekin
qayamaton ka hamein intizar karna hai
mohabbaton ko bhi us ne KHata qarar diya
magar ye jurm hamein bar bar karna hai
har ek bar ye socha ki ab ki bar us ne
na jaane kaun sa Dhang iKHtiyar karna hai
tum apna chand KHushi se tamam shab dekho
hamara kaam sitare shumar karna hai
Iqbal Kaifi 
(790) Peoples Rate This