Ek Lau Thi Mere KHun Mein Tahlil To Ye Thi

ek lau thi mere KHun mein tahlil to ye thi

ek barq si rau thi meri qindil to ye thi

tere ruKH-e-KHamosh se meri rag-e-jaan tak

jo kaam kiya aankh ne tarsil to ye thi

banna tha to banta na farishta na KHuda main

insan hi banta meri takmil to ye thi

sanpon ke tasallut mein the chiDiyon ke basere

maftuh gharane! teri tamsil to ye thi

Tile ka khanDar sadiyon ki tariKH liye tha

ijmal batata tha ki tafsil to ye thi

wo jaanta tha sajda faqat tujh ko rawa hai

palTa na phir is hukm se tamil to ye thi

ek KHwab dhundlakon mein bikharta hua 'kausar'

aaKHir ruKH-e-tabir ki tashkil to ye thi

(806) Peoples Rate This

Your Thoughts and Comments

Ek Lau Thi Mere KHun Mein Tahlil To Ye Thi In English By Famous Poet Iqbal Kausar. Ek Lau Thi Mere KHun Mein Tahlil To Ye Thi is written by Iqbal Kausar. Read famous Poem Ek Lau Thi Mere KHun Mein Tahlil To Ye Thi for youth and Student by Iqbal Kausar. Free Download Ek Lau Thi Mere KHun Mein Tahlil To Ye Thi in PDF.