Sarsar Chali Wo Garm Ki Sae Bhi Jal Gae
sarsar chali wo garm ki sae bhi jal gae
sahra mein aa ke yaron ke huliye badal gae
jab rakh ho ke rah gaya wo shahr-e-gul-ruKHan
phir us taraf ko baadalon ke dal ke dal gae
tan kar khaDa raha to koi samne na tha
jab jhuk gaya to har kisi ke war chal gae
kuchh dukh ki raushni thi baDi tez aur kuchh
ashkon ki barishon se bhi chehre ajal gae
ek rang tha lahu ka jo ashkon mein aa gaya
kuchh dil ke dard the so wo sheron mein Dhal gae
'iqbaal' misl-e-mauj-e-hawa kab talak safar
kya jaane kis taraf ko wo chahat ke yal gae
Iqbal Minhas 
(680) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544