Sarsabz Dil Ki Koi Bhi KHwahish Nahin Hui
sarsabz dil ki koi bhi KHwahish nahin hui
wo hai zamin-e-dil jahan barish nahin hui
roe hue bhi un ko kai sal ho gae
aankhon mein aansuon ki numaish nahin hui
diwar-o-dar hain pas magar in ke bawajud
apne hi ghar mein apni rihaish nahin hui
bab-e-suKHan mein ab wahi mashhur ho gae
wo jin ke zehn se koi kawish nahin hui
Iqbal Sajid 
(1160) Peoples Rate This