Us Se Taslim Bas Yunhi Si Hai

us se taslim bas yunhi si hai

barf ehsas ki jami si hai

chaliye ahbab ko to jaan gae

ye musibat to aarzi si hai

kuchh to chaaragari kare koi

aaj kuchh dard mein kami si hai

aaj chupke se kis ki yaad aai

dil ke aangan mein chandni si hai

kis ne tark-e-wafa kiya pahle

ye shikayat bhi bahami si hai

hasrato ab to ho chalo KHamosh

nabz bimar ki thami si hai

umr guzri jise bayan karte

wo katha ab bhi an-kahi si hai

(594) Peoples Rate This

Your Thoughts and Comments

Us Se Taslim Bas Yunhi Si Hai In English By Famous Poet Irfan Waheed. Us Se Taslim Bas Yunhi Si Hai is written by Irfan Waheed. Read famous Poem Us Se Taslim Bas Yunhi Si Hai for youth and Student by Irfan Waheed. Free Download Us Se Taslim Bas Yunhi Si Hai in PDF.