Yun To Shumar Us Ka Mere Bhaiyon Mein Tha
yun to shumar us ka mere bhaiyon mein tha
main tha lahu lahu wo tamashaiyon mein tha
chehre se main ne gham ki lakiren miTa to din
lekin jo karb ruh ki gahraiyon mein tha
wo hausla ki pher de jo aandhiyon ke ruKH
wo hausla abhi meri paspaiyon mein tha
deta hai rose ek naya ilzam aaj-kal
pahle wo shaKHs bhi mere shaidaiyon mein tha
kahte hain ek main na tha badnam shahr mein
charcha tere bhi nam ka ruswaiyon mein tha
'irfan' wo kam-nasib ki tha jaan-e-anjuman
yaron ke beach rah ke bhi tanhaiyon mein tha
Irfan Waheed 
(703) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544