Jazb Hai KHamshi-e-gul Mein Takallum Tera
jazb hai KHamshi-e-gul mein takallum tera
jawedan mere chaman mein hai tabassum tera
bagh mein sail-e-numu-KHez ki halchal teri
dasht mein shor-e-sipah-e-mah-o-anjum tera
teri marhun-e-nawazish meri sarshaari-e-KHak
mai-kada tera mai-e-nab teri KHum tera
KHushk-o-tar past-o-buland aaina-e-sham-o-sahr
mehrban sab pe hai sailab-e-tarahhum tera
sab tere zer-e-nagin mauj samundar sahil
baadban tera teri naw talatum tera
chashma-e-ab-e-rawan hai jo sarab-e-jaan mein
us ki har lahr mein raqsan hai tarannum tera
hai teri miTTi ke har zarre pe ehsan jis ka
'ishrat' us zat mein har naqsh hua gum tera
Ishrat Zafar 
(921) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544