Koi Din Ka Aab-o-dana Aur Hai
koi din ka aab-o-dana aur hai
phir chaman aur aashiyana aur hai
han dil-e-be-tab chande intizar
amn-o-rahat ka Thikana aur hai
shama phiki raat kam mahfil udas
ab mughanni ka tarana aur hai
ai jawani tu kahani ho gai
hum nahin wo ya zamana aur hai
jis ko jaan-e-zindagani kah saken
wo hayat-e-jawedana aur hai
jis ko sun kar zohra-e-sang aab ho
aah wo ghamgin fasana aur hai
wa agar sama-e-raza ho to kahun
ek pand-e-mushfiqana aur hai
ittifaqi hai yahan ka irtibaat
sab hain begane yagana aur hai
Ismail Merathi 
(699) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544