Kya Yahi Hai Jis Pe Hum Dete Hain Jaan
kya yahi hai jis pe hum dete hain jaan
ya koi duniya-e-fani aur hai
yun to har insan goya hai magar
shewa-e-shewa-bayani aur hai
chal rahi hai jis se jismani machine
koi poshida kamani aur hai
dil ne paida ki kahan se ye tarang
koi tahrik-e-nihani aur hai
ghair samjha hai kise ai ham-nashin
mere dil mein bad-gumani aur hai
tum ne kab dekha hai be-rangi ka rang
be nishani ki nishani aur hai
Ismail Merathi 
(732) Peoples Rate This