Kya Kya Ajal Ne Jaan Churai Tamam Shab

kya kya ajal ne jaan churai tamam shab

koi bhi aarzu na bar aai tamam shab

dil-soz kab hue hain ki jab KHak ho gaya

turbat pe meri shama jalai tamam shab

ai wa-e-talKH-kaami-e-roz-e-bad-firaq

naseh ne jaan-e-gham-zada khai tamam shab

az-bas yaqin-e-wada-e-didar-e-KHwab tha

kya KHush hue ki nind na aai tamam shab

ek aah-e-dil-nashin se wo but munfail hua

wallah kya nadamat uThai tamam shab

lagte hi aankh dekh liya jalwa-e-nihan

pesh-e-nazar thi shan-e-KHudai tamam shab

(449) Peoples Rate This

Your Thoughts and Comments

Kya Kya Ajal Ne Jaan Churai Tamam Shab In English By Famous Poet Ismail Merathi. Kya Kya Ajal Ne Jaan Churai Tamam Shab is written by Ismail Merathi. Read famous Poem Kya Kya Ajal Ne Jaan Churai Tamam Shab for youth and Student by Ismail Merathi. Free Download Kya Kya Ajal Ne Jaan Churai Tamam Shab in PDF.