Aankhen Chura Ke Humse Bahaar Aae Ye Nahin
aankhen chura ke hum se bahaar aae ye nahin
hisse mein apne sirf ghubar aae ye nahin
ku-e-gham-e-hayat mein sab umr kaT di
thoDa sa waqt wan bhi guzar aae ye nahin
KHud ishq qurb-e-jism bhi hai qurb-e-jaan ke sath
hum dur hi se un ko pukar aae ye nahin
aankhon mein dil khule hon to mausam ki qaid kya
fasl-e-bahaar hi mein bahaar aae ye nahin
ab kya karen ki husn jahan hai aziz hai
tere siwa kisi pe na pyar aae ye nahin
wadon ko KHun-e-dil se likho tab to baat hai
kaghaz pe qismaton ko sanwar aae ye nahin
kuchh roz aur kal ki murawwat mein kaT len
dil ko yaqin-e-wada-e-yar aae ye nahin
Jaan Nisar Akhtar 
(748) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544