Mujhe Malum Hai Main Sari Duniya Ki Amanat Hun

mujhe malum hai main sari duniya ki amanat hun

magar wo lamha jab main sirf apna ho sa jata hun

main tum se dur rahta hun to mere sath rahti ho

tumhaare pas aata hun to tanha ho sa jata hun

main chahe sach hi bolun har tarah se apne bare mein

magar tum muskuraati ho to jhuTa ho sa jata hun

tere gul-rang honTon se dahakti zindagi pi kar

main pyasa aur pyasa aur pyasa ho sa jata hun

tujhe banhon mein bhar lene ki KHwahish yun ubharti hai

ki main apni nazar mein aap ruswa ho sa jata hun