نکل جائے یوں ہی فرقت میں دم کیا
نکل جائے یوں ہی فرقت میں دم کیا
نہ ہوگا آپ کا مجھ پر کرم کیا
ہنسے بھی روئے بھی لیکن نہ سمجھے
خوشی کیا چیز ہے دنیا میں غم کیا
مبارک ظالموں کو ظلم ہم پر
جو اپنا ہی کیا ہے اس کا غم کیا
مٹا جب امتیاز کفر و ایماں
مکان کعبہ کیا بیت الصنم کیا
نہیں جب قوت احساس دل میں
غم دنیا سرور جام جم کیا
گزر ہی جائیں گے غربت کے دن بھی
کریں دو دن کو اب اخلاق کم کیا
مری بگڑی ہوئی تقدیر بھی ہے
تمہارے طرۂ گیسو کا خم کیا
مری تقدیر میں لکھا ہے تو نے
بتا اے مالک لوح و قلم کیا
بھلا دے گی ہمیں دو دن میں دنیا
ہماری شاعری کیا اور ہم کیا
ہر اک مشکل کو حل کرتی ہے جب موت
کروں آگے کسی کے سر کو خم کیا
رواںؔ کے درد کا عالم نہ پوچھو
کوئی یوں ہوگا مست جام جم کیا
(688) ووٹ وصول ہوئے
Nikal Jae Yunhi Furqat Mein Dam Kya In Urdu By Famous Poet Jagat Mohan Lal Ravan. Nikal Jae Yunhi Furqat Mein Dam Kya is written by Jagat Mohan Lal Ravan. Enjoy reading Nikal Jae Yunhi Furqat Mein Dam Kya Poem on Inspiration for Students, Youth, Girls and Boys by Jagat Mohan Lal Ravan. Free Dowlonad Nikal Jae Yunhi Furqat Mein Dam Kya by Jagat Mohan Lal Ravan in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends