Karen Kis Liye Hum Kisi Ka Lihaz

karen kis liye hum kisi ka lihaz

kisi ko nahin jab hamara lihaz

musawat us chiz ka nam hai

ki uTh jae chhoTe baDe ka lihaz

lihaz is ka kuchh tum ko bhi chahiye

kiya hum ne kitna tumhaara lihaz

kisi ki koi baat sunta nahin

kisi ko nahin ab kisi ka lihaz

khari baat kahne ke aadi hain hum

na beja murawwat na beja lihaz

jo insan zamane ke kaam aaega

usi ka karega zamana lihaz

na rutba na ohda na zar hai na zor

kare kaun 'sarshaar' tera lihaz

(624) Peoples Rate This

Your Thoughts and Comments

Karen Kis Liye Hum Kisi Ka Lihaz In English By Famous Poet Jaimini Sarshar. Karen Kis Liye Hum Kisi Ka Lihaz is written by Jaimini Sarshar. Read famous Poem Karen Kis Liye Hum Kisi Ka Lihaz for youth and Student by Jaimini Sarshar. Free Download Karen Kis Liye Hum Kisi Ka Lihaz in PDF.