Shab-e-wada Hai Tu Hai Aur Main Hun
shab-e-wada hai tu hai aur main hun
hujum-e-arzu hai aur main hun
dil-e-begana-KHu hai aur main hun
baghal mein ek adu hai aur main hun
miTata hi raha jis ko muqaddar
wo meri aarzu hai aur main hun
pareshan-KHatiri kahti hai apni
kisi ki justuju hai aur main hun
shab-e-tanhai-e-furqat mein dil se
kuchh us ki guftugu hai aur main hun
gulistan-e-jahan hai qabil-e-sair
tilism-e-rang-o-bu hai aur main hun
nigah-e-lutf-e-dilbar ka hai izhaar
phaTe dil ka rafu hai aur main hun
kahin chhoDa agar qatil ka daman
tu phir mera lahu hai aur main hun
'jalal' us ko banaya us ne dushman
qayamat mein adu hai aur main hun
Jalal Lakhnavi 
(724) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544